10 نصائح للبنات في فترة الخطوبة

[ نائب المدير ~✿ ]

.لما باذن الله ربنا يفك عقدتك.. وتتخطبى.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..... إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.....
قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .

2- العيش أوعي تفضحينا وتقطعيه بسنانك..... ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك في البيت.. وتدلدقي على روحك..
بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة......

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه...

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي...
بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...

7- الجمبري.. -إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟
وتروحي قاطعة راس الجمبريياية.. بالشوكة.. أنا ف عرضك
إنسي المصمصة دلوقت..

8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..
لفة الفول والطعمية اللي جايباها معاكي.. وبالهنا والشفااااااااااااا

عضو سوبر

هههههههههههه حلوة انا كنت مفكرة بالقصة بس لما قريت الموضوع صرفت نظري عن الموضوع

[ صـاحبة الـسـمو ~✿ ] العمر : 33

ههههههههههههههههههه
والله انه اشى حلووووو بس هاد مذلة النا واهانة على أساس انتو الشباب ما بتعملوا زي هيك

[ نائب المدير ~✿ ]

مشكووووورين علي مروركم الطيب أ خواتي

[ صـاحب الـسـمو ~✿ ] العمر : 33

ههههههههههههههههه

مشكور اخي احمد علي هذا الكلام الحلو

[ صـاحبة الـسـمو ~✿ ] العمر : 33

ههههههههههههههه

الشباب الى بالمنتدى أكيد مكيفين على الكلام الى بنقال عنا ؟
كيفوا ولا يهمكوا؟

[ صـاحب الـسـمو ~✿ ] العمر : 33

والله الكلام حلو جدا واول مرة اشوف متلوا

يعني غصب عنا بدنا نكيف

ونتشمت فيكم لو مرة وحدة

[ صـاحبة الـسـمو ~✿ ] العمر : 33

اتشمتوا ولا يهمك؟
عادى ما فيه مشكلة ؟
بس بحب أحكى للشباب الى بالمنتدى يوم الك ويوم عليك
يعنى الا ما يجي يوم من الأيام احنا البنات راح نتشمت فيكم؟؟

[ صـاحب الـسـمو ~✿ ] العمر : 33

صحيح اخت عاشقة الدموع

بس انا بقصد في كلامي نضحك ونضيف جو للمرح

يعني بتمني ما حدا يزعل مني او من اي عضو بالمنتدي

عضو سوبر

ههههههههههههه احلى نصائح هذى النصائح اكيييييييييييييد كل االشباب حبوها ولا شو خواتى
اخ احمد ولا يهمك رح ناكل كل الاكل الى على الطربيزة ولا يهمكم قال يعنى بيقولى هيك عشان يستمتعوا فى الاكل لحالهم ولا شو
مشكور اخ احمد على "المصائب" قصدى النصائح الى اعطيتنا ااياها الى بتدعوا انها نصائح
تحياتى

[ نائب المدير ~✿ ]

هههههههه
ردك حلو اختك همس الحنين بس بتمني ما تزعلو مني لانو الكلام مزح بمزح
شكراا علي مروركم جميعاااا

[ كبير المشرفين ~ مشرف الدردشه ~✿]

ههههههههههههههههههههههههههههههههههههههههههههههههه
ياريت من البنات يعملو هيك
وبدنا منك نصايح للشباب
وموضوع جميل

[ نائب المدير ~✿ ]

شكرااا علي مروركم جميعاا
وبالنسبة ليك اخ الجبل بموضوع نصائح للشباب من الاخوات الفاضلة انهم هما الي يعملو هادا الموضوع

» نصائح إلى البنات اللي هيتخطبوا !!
» للبنات فقط ....
» تهديد للبنات
» خـــ للبنات ـــاص >>>
» نصائح للبنـات